Pagkapit

Huwag.

Huwag ka muna kumapit.

 Pabuhat ka muna sa akin.

Patuloy ko tatahakin

ang mundo na karga ka.

Kakayanin ko ang

init ng araw,

patalim ng buhangin,

lamig ng gabi,
at pagtatangka ng dilim

para sa'yo.

Karga kita

at ikaw ang

kailangan kong

protektahan.

Saka na.

Saka ka na kumapit ulit

kapag kaya mo na.

Dahil ako,

hindi ako mawawala.

Itaboy man ako ng bagyo

sa piling mo,

haharapin ko ang kidlat,

mamatay lang na hawak

ko ang puso mo.